Cinco horas nun corredor cun cólico intestinal sen recibir atención nin calmantes

|

Hospitalcostaburela


A Plataforma na defensa da Sanidade da Mariña denunciou que unha octoxenaria cun cólico intestinal permaneceu cinco horas nun corredor do Hospital da Costa "sen atención médica e sen analxesia" a pesar de ter unha dor "insoportable".


Nun comunicado remitido aos medios, a asociación explicou que a familia da paciente se puxo en contacto coa plataforma para informar destes feitos que ocorreron o pasado día 9, cando a muller acudiu ao PAC de Burela, onde se decidiu a súa derivación ao servizo de urxencias do hospital para o seu diagnóstico e tratamento.


"Desde que pasa a urxencias permanece nunha padiola dun corredor durante cinco horas sen atención médica e sen analxesia, cunha dor tan intensoa que berra", denunciou a asociación, que critica a "caótica situación" do servizo de urxencias.


A Plataforma na defensa da Sanidade da Mariña sinala que a familia lle asegurou que o persoal estaba "absolutamente desbordado" e que "fixo cando puido" pero que "non daban para máis". Por iso, censura que a xerencia executiva do hospital saíse na prensa días despois "declarando que a situación" do servizo era de "normalidade".


"Non podemos comprender como a xerencia executiva, que ata hai pouco tempo traballou neste servizo, mostra tan pouca sensibilidade e mesmo maquilla os datos desta forma", manifestou a asociación, que pide que a dirección se "preocupe" pola cobertura de profesionais e reforce o servizo cando hai picos de incidencia como o da gripe.


relacionada ​Feijóo, aos enfermos de gripe: "Hai catro recursos que usar antes de ir ao hospital"
relacionada "As camas existen, pero non se dotan do persoal necesario para estar dispoñibles"
relacionada Chaman a defender a sanidade pública na "primeira gran manifestación do ano"
relacionada Unha asociación sanitaria respóndelle a Feijóo: "Unha cama hospitalaria non é un moble"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress