Os grupos dos locais de ensaio coruñeses publican un disco conxunto
O concello crea un recompilatorio con once temas gravados nos propios estudos municipais.
Harakiri, un dos grupos que participan. Foto: Concello da Coruña
O Concello da Coruña publicou un novo álbum recompilatorio coa música dos grupos residentes nos locais de ensaio municipais, segundo informa.
Este recompilatorio poderá conseguirse desde este martes, de forma gratuíta, nos centros da rede de bibliotecas municipais e no Centro Municipal de Información Xuvenil.
Gravado nos propios estudos do servizo municipal, o álbum inclúe once cortes de música de diversos estilos entre os que se atopan punk, indie, metal, trap ou rock.
Trátase de grupos que participaron en eventos como o Festival Noroeste Estrela Galicia ou o Festival Solidario Coruña en Directo, como son Ingravity, Harakiri, Proyecto Moucho, Reminders, Quetzal Rider ou Sala 5.
Escribe o teu comentario