A neve provoca restricións de tráfico en varias estradas das provincias de Lugo e Ourense

|

A52OurenseNeve


As nevadas rexistradas con especial intensidade nas zonas de montaña de Lugo e Ourense dificultan a circulación en varias estradas e provocaron incidencias puntuais nas vías.


A Dirección Xeral de Tráfico (DXT) recolle na súa páxina web varios avisos e constata, por exemplo, que a circulación está condicionada pola neve na A-52, desde o quilómetro 140 na Gudiña ao quilómetro 113 na Mezquita, en ambos os sentidos.


Este tramo da A-52, segundo a DXT, é transitable con precaución, aínda que estivo cortada para vehículos que non leven cadeas ou pneumáticos de inverno.


Tamén en Ourense hai un corte total en ambos os sentidos na estrada provincial OU-0807, no quilómetro 7,3 en San Vicente de Leira.


Así mesmo, na estrada LU-633, á altura de Pedrafita do Cebreiro, desde o quilómetro 0 ao quilómetro 17, a circulación está condicionada en ambos os sentidos por mor da nevada.


Xa na noite de onte realizáronse controis aos camións que circulaban pola A52. O anuncio de alerta vermella deuno esta mesma mañá Gregorio Serrano, director da Dirección Xeral de Tráfico. A DXT recomenda aos usuarios que os vehículos conten con suficiente carburante por se sucede unha eventualidade como a ocorrida a pasada semana na AP-6 e que leven consigo auga e alimentos dabondo.

Pola meteoroloxía adversa, esta vez por ventos, a DXT informa de circulación irregular na A-8, á altura de Mondoñedo, en ambos os sentidos desde o quilómetro 536 ao quilómetro 552.


Finalmente, hai retencións por un accidente rexistrado na N-634, á altura de Cruz do Lobo, en Lugo.


relacionada En Marea e BNG acusan de "irresponsabilidade" ao Goberno tras o caos da AP-6
relacionada O Goberno esquiva culpas pola nevada na AP-6 mentres segue sen ceder coa AP-9

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress