Caballero e a Xunta enfróntanse polas cifras de investimentos na cidade

|

Lopez chaves cabaleiroLópez-Chaves e Caballero discrepan.


A Xunta de Galicia cifrou en "case 700 millóns de euros" as investimentos que realizou en Vigo no últimos "tres ou catro anos", e incidiu en que é "a administración que máis inviste" na cidade olívica.


Así o trasladou o delegado territorial do Goberno galego, Ignacio López-Chaves, nun almorzo informativo no que fixo balance da acción da Xunta en Vigo.


López-Chaves repasou os proxectos e iniciativas da administración autonómica na cidade, e iniciou ese balance lembrado a posta en marcha o Hospital Álvaro Cunqueiro, cun investimento de máis de 330 millóns de euros, así como as achegas de Sanidade para dotar o centro hospitalario de tecnoloxía.


O delegado destacou tamén os máis de 100 millóns de euros que a Xunta destinou á industria da automoción, os 105 millóns de achega autonómica á nova depuradora, os 30 millóns do proxecto da nova Cidade da Xustiza, o investimento previsto de máis de 12 millóns na estación intemodal, a ampliación do Instituto Feiral de Vigo (máis de 4 millóns de euros), os 45 millóns do Consorcio do Casco Vello, e outras actuacións en materia de vivenda protexida, educación, etc.


"Os datos demostran de maneira clara que a Xunta si inviste en Vigo, e que esta Xunta é a que máis inviste", proclamou López-Chaves, quen lamentou que o alcalde da cidade olívica, Abel Caballero, "nega a evidencia" e "pecha os ollos" cando pasa diante do hospital, das obras do Xeral, ou da depuradora.


"AUTOBOMBO"


Pola súa banda, o rexedor olívico negou os argumentos de López-Chaves, e lembrou que o Hospital Álvaro Cunqueiro "é privado e está sen pagar", da depuradora "achegará cero euros, porque a Xunta vai recuperar a través do canon o que poña", "a Cidade da Xustiza está sen facer", e "toda a achega no Consorcio do Casco Vello fíxoa Touriño cando o capitalizou".


Ademais, o alcalde insistiu en que o Plan Xeral "anulouse por unha deficiente actuación da Xunta", que Vigo "ten as maiores listas de espera en sanidade de Galicia", que o presidente autonómico, Alberto Núñez Feijóo, non aceptou as demandas da cidade para previr os efectos da seca "porque na súa cabeza estaba xerar unha crise", e que o Goberno galego deixou "soa" á cidade na extinción dos incendios de mediados de outubro.


"Entendo pouco este autobombo e o beneplácito porque a Xunta non ten ningunha presenza na cidade", afirmou Caballero, quen insistiu en que o Goberno galego "levou cinco millóns da Zona Franca de Vigo" e segue sen achegar nada á reforma do estadio de Balaídos.


relacionada Abel Caballero: "Galicia ten que saldar unha débeda histórica con Vigo"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress