A Torre de Hércules bate récord de visitantes en cinco anos

|

Torre hercules



A Torre de Hércules (A Coruña) recibiu a 132.164 visitantes ao longo do ano 2017 e marcou o seu mellor rexistro no últimos cinco anos, o que para o concelleiro de Emprego e Economía Social da Coruña, Alberto Lema, pon de referencia "a aposta do goberno local pola proxección do patrimonio cultural e natural".


Nun comunicado, o Concello da Coruña apuntou que este rexistro supera en máis de 4.300 persoas a cifra total de visitantes do pasado ano 2016 (127.847). Alberto Lema cualificou os datos como "moi positivos", xa que tamén superan as cifras de 2015 (117.427 visitantes), 2014 (113.849) e 2013 (116.946).


O edil explicou que a "tendencia ascendente en relación ao turismo" na cidade, que se deixou sentir "na ocupación hostaleira", é en gran parte debida á Torre de Hércules, un dos "símbolos patrimoniais" da Coruña.


PREZOS PÚBLICOS E TARIFA REDUCIDA


O Concello da Coruña informou de que, no ano 2018, coa entrada en vigor da nova ordenanza reguladora de prezos públicos, en relación á prestación de servizos nos museos e instalacións culturais do municipio, o goberno local amplía os supostos para a aplicación da tarifa reducida (1,50 euros) na entrada á Torre de Hércules.


Así, a partir deste martes 2 de xaneiro, o estudantado, as persoas desempregadas e as familias numerosas que visiten o faro, entre outros colectivos, veranse beneficiados polos novos criterios.


relacionada A Catedral de Santiago, a Torre de Hércules ou a Muralla de Lugo súmanse á Hora do Planeta
relacionada A Torre de Hércules tínguese de verde para conmemorar San Patricio
relacionada Un raio apaga a Torre de Hércules

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress