Preto de 500 capóns buscan mesa este xoves en Vilalba
Os exemplares parten dos 80 euros, aínda que poden chegar mesmo a 130.
O municipio de Vilalba acollerá este xoves a súa tradicional feira, na que se verán preto de 500 capóns.
A concelleira de Cultura do concello de Vilalba, Chery Grandío, destacou que corenta dos sesenta criadores censados na localidade confirmaron a súa presenza no evento, onde se poñerán á venda centos de exemplares.
Grandío lembrou que a historia da feira remóntase ata 1828, como "un pagador de rendas". "Empezou como iso, e acabou sendo unha feira tradicional dun produto exquisito e dun produto que é embaixador de Vilalba polo mundo", sinalou.
Sobre os prezos, que dependerán "de como se presente o animal na feira", poderán oscilar entre os 80, os 100 e mesmo os 130 euros en función do exemplar.
A concelleira tampouco se aventurou a avanzar previsións de afluencia, que será "difícil prever", ao tratarse dun día "entre semana".
O Capón de Vilalba consegue o selo de denominación protexida a un mes do seu día grande
Escribe o teu comentario