Ningunha mellora na hospitalización psiquiátrica da Coruña dez meses despois
O Movemento Galego da Saúde Mental denuncia que se manteñen as mesmas carencias e reitera a súa denuncia pública.
O Movemento Galego da Saúde Mental reclamou "melloras" na unidade de hospitalización na unidade psiquiátrica da Coruña xa que, tras denunciar hai dez meses a situación da mesma, "non houbo ningunha" actuación neste sentido.
Nun comunicado, lembra que, nesa denuncia pública, advertían das "inaceptables e discriminatorias condicións das habitacións coa metade dos pacientes usando baños colectivos, os déficits severos de funcionamento e de organización da actividade asistencial ou a infradotación profesional". A iso, engade "déficits de transparencia na xestión".
Tamén cuestiona "a aplicación da contención mecánica a pacientes (inmovilización das persoas mediante suxeición ás súas camas), realizada nunha habitación colectiva de tres camas violentándose desta maneira os seus dereitos básicos". Con todo, sostén que non se adoptaron medidas para solucionar "estas carencias".
Escribe o teu comentario