​Desarticulan unha banda que introducía en Galicia grandes cantidades de droga

O operativo leva en marcha dez meses. Os investigadores destacan as "fortes medidas de seguridade" da organización.


|

Rexistro droga


O Equipo Contra o Crime Organizado de Galicia (ECO GALICIA), xunto cos Equipos de Delincuencia Organizada e Antidroga (EDOA) das Unidades Orgánicas de Policía Xudicial das Comandancias da Coruña e Pontevedra desarticularon unha organización criminal que se dedicaba á introdución de estupefacientes en Galicia, a súa posterior elaboración, distribución e venda.


A organización era liderada por un albanés de 39 anos, quen, á súa vez, tiña a outras cinco persoas que traballaban para el directamente e que se encargaban de buscar compradores de droga, distribuíla, dotar de apoio loxístico ou mesmo achegar seguridade para a realización das actividades ilícitas.


Estas persoas, á súa vez, tiñan a outras ao seu cargo, que lle compraban a droga directamente ou que mesmo lles facían de lanzadeira, chegando a realizar viaxes ao estranxeiro para traer mercadoría.


Desde o inicio do operativo, que comezou a principios de febreiro, xa se enviou a dous dos integrantes a prisión, sendo o primeiro unha muller que comprara un quilo de cocaína en marzo e, en segundo lugar, un home interceptado xunto a un quilo de heroína en Asturias no pasado mes de setembro.


A investigación policial viuse dificultada en todo momento polas "fortes medidas de seguridade" polas que destacaba a organización, que contaba con individuos que "posuían unha ampla experiencia criminal no tráfico de substancias estupefacientes", di a Policía.


VIDA NORMAL


Un aspecto que os axentes destacan dos detidos é que se atopaban perfectamente integrados na sociedade e levaban unha vida completamente normal. Un dos cerebros da trama, que se atopaba ás ordes directas do líder albanés, era un veterano arousán coñecido polas forzas policiais e a quen lle constaba numerosos antecedentes relacionados co tráfico de estupefacientes.


No que leva a operación aberta realizáronse 5 rexistros domiciliarios. Doutra banda, a Garda Civil incautouse de 4 quilos de cocaína, 1,7 quilos de heroína, 500 gramos de substancia de corte e diverso material para a elaboración e distribución das substancias. Tamén se interviñeron 2 vehículos de alta gama.


relacionada Unha operación internacional antidroga intervén 870 quilos de coca en Galicia
relacionada Incautan o maior alixo de metanfetamina intervido na Coruña
relacionada 880 quilos de coca incautados nun operativo antidroga no sur de Galicia

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE