​Repróchanlle a Almuiña que o "colo de botella" no hospital de Vigo é a falta de camas

|

AlmuinhaJesús Vázquez Almuiña culpou ao mal uso por parte de pacientes.


A Federación de Sanidade de CCOO mantén que as urxencias do Complexo Hospitalario Universitario de Vigo (Chuvi) son "un colo de botella" pola falta de camas e recursos, e non por unha suposta "utilización incorrecta" do servizo de urxencias nin polo frío e a choiva, que "son inevitables e perfectamente previsibles".


Así se pronunciou en resposta ás declaracións deste luns do conselleiro de Sanidade, Jesús Vázquez Almuiña, que durante unha visita ao Hospital Álvaro Cunqueiro recoñeceu "algún atraso" na atención en urxencias e atribuíuno ao incremento de afluencia de xente aos centros sanitarios na época invernal.


Con todo, o sindicato recalcou que a situación de urxencias se debe a "unha evidente falta de recursos" e á "carencia de camas onde situar os usuarios que necesitan un ingreso". "É a verdadeira e máis poderosa razón", sostivo, incidindo en que "non é tanto os pacientes que entran, sen negar a súa importancia, senón os que quedan almacenados en espera dunha cama".


"Sobran desculpas e faltan solucións", manifestou CCOO, que reclamou "un gran acordo de todos para Vigo e Galicia para defender e reforzar a sanidade pública", de maneira que o HAC sexa "un centro 100% público" e se utilicen "todas as camas dispoñibles e posibles". "Non pode ser que este hospital abra ou peche camas de forma improvisada", selou.


RECURSOS SANITARIOS


Finalmente, ante a "incorrecta utilización" que de forma puntual fan algúns cidadáns do servizo de urxencias do HAC --ao que acoden cando deberían ir antes a centros de saúde ou a Puntos de Atención Continuada--, CCOO fixo "un chamamento á correcta utilización dos servizos sanitarios".


Con todo, tamén instou ás autoridades sanitarias a cubrir os cadros de persoal dos centros sanitarios. "En ocasións os usuarios acoden ao Álvaro Cunqueiro por falta de persoal e, en especial, pediatras", sostivo.


relacionada ​Feijóo sae a pedir "desculpas" pola saturación das Urxencias nos hospitais
relacionada ​A saturación das Urxencias afecta xa os hospitais da Coruña, Vigo e Santiago
relacionada ​CCOO denuncia "masificación" das urxencias do Cunqueiro, "continuamente infrautilizado"
relacionada Aumentan os pacientes hospitalizados con gripe sen chegar ao nivel de epidemia

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress