Puigdemont vendo o Girona e Junqueras en prisión

Carmen P. Flores

Junqueras puigdemont


O fútbol, o deporte rei en España, acapara a atención, o seguidismo semanal, a paixón e en moitos casos o fanatismo dos seus seguidores. Os árbitros adoitan ser, nos estadios, coma o goberno. Política e futbol, por desgraza, seguen moi vinculados aínda que o neguen e para desgraza do deporte.


Puigdemont, que cada día, nesa estratexia electoral que ten montada en Bruxelas, co seu equipo especial, tenta botarlle imaxinación ao tema, por iso, bufanda colgada ao pescozo, coas cores, o escudo do Girona Futbol Club S.A.D., o equipo dos seus amores, e co seu amigo catalán/belga que é a súa sombra estaban nun bar vendo o partido que xogaba co Getafe, que terminou coa vitoria do Girona.


Desde que o expresident está na capital de Europa, é tanta a súa influencia na mesma que conseguiu que os belgas sintan auténtica paixón polo partido da máxima rivalidade Girona-Getafe. Alguén o vai crer? Seguro que si, porque en campaña está demostrado que todo vale. O 155 está a ser como un chicle que se estira, o malo do asunto é que non é infinito.


Mentres a campaña entra na súa recta final. Faltan poucas horas para que a cidadanía deposite o seu voto libre e legal, con todas as garantías que non tivo o 1 outubro, por moito que os autores digan o contrario.


As discrepancias entre ERC e Junts per Catalunya están a evidenciarse máis cada día. Onte Oriol Junqueras, nunhas declaracións a unha emisora privada dicía: ”Eu estou aquí porque non me escondo nunca do que fago e porque son consecuente cos meus actos, decisións, pensamentos e vontade".


Creo que é moi claro o que pensa Junqueras da actitude de Puigdemont, que está a facer unha campaña de “plasma” que lle está dando, ata agora, uns hipotéticos bos resultados, en detrimento do político de ERC que está no cárcere.


Carles Mundó, que ten o mandato de dar caña a dereita e esquerda, substituíu a Marta Rovira nos debates, con mellor sorte que ela. Sabe como plantarlle cara a Inés Arrimadas, a súa máis firme rival no bando dos partidos constitucionalistas. Aínda que non é un líder con carisma, leva aprendido os seus argumentos para tentar desmontar as acusacións da líder cidadá. Non ten inconveniente en insinuar que a unilateralidade poida que non sexa posible, porque as cousas se ven doutra maneira cando se estivo en prisión. Baño de realidades?


Os resultados dos partidos que se xoga o día 21D entre dous bloques, coñecerase a mesma noite do 21. Que sucederá se hai un empate? Esa é unha das preguntas que todos teñen na cabeza.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Máis opinión
Opinadores

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress