Reclaman catro anos para catro acusados de tráfico de droga

Vendían cocaína en distintos establecementos da súa propiedade, como bares ou un lavadoiro de coches


|


Cocaina


A Sección Segunda da Audiencia Provincial da Coruña xulgará este mércores a catro acusados de vender cocaína en establecementos da súa propiedade, como bares ou lavadoiros de coches, por un delito de tráfico de drogas. O fiscal pide para cada un deles catro anos de cárcere e unha multa duns 10.000 euros.


No seu escrito de acusación, o Ministerio público considera que os acusados, polo menos durante o ano 2012, relacionábanse entre si para colaborar na distribución ilícita de cocaína na cidade da Coruña.


Todos eles contactaban frecuentemente entre si por vía telefónica para pasarse a substancia ou enviarse compradores. Para iso, valíanse dos negocios de cada un deles, dous bares e un lavadoiro de coches aberto ao público, así como dos seus propios domicilios.


Para a investigación, o Xulgado de Instrución número seis da Coruña ditou a intervención dos teléfonos dos acusados ata que foron detidos. Precisamente, no momento do seu arresto, achóuselles diversas cantidades de cocaína e efectos para a súa venda, como básculas de precisión. Todos os acusados estiveron en prisión preventiva por estes feitos.

relacionada Unha operación internacional antidroga intervén 870 quilos de coca en Galicia
relacionada Tráfico para cada día 15 condutores bebidos ou drogados na provincia da Coruña

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE