Emre Çolak: "Non estou afeito a estar no banquillo"

Durante a rolda de prensa desta mañá en Abegondo, Emre Çolak dedicou unhas palabras para analizar o duro encontro ao que o Deportivo terá que facer fronte o vindeiro domingo. O intimidante Barcelona non asoballa ao centrocampista turco, quen asegura sentirse “moi ben” con respecto ao partido, pero inseguro polas súas anteriores suplencias.

Çolak cre que o persoal titular será a mesma que contra o Leganés, aínda que “se o míster cambiase de idea”, o talentoso número 8 do Deportivo entenderíao. Con todo, o xogador admitíase desconcertado ante as súas anteriores suplencias. “Non estou afeito estar no banco, cando vén un adestrador novo sempre empezo no banco pero sempre tento facer o mellor para o equipo. Non o entendo porque sempre estou listo para xogar”, comentaba mentres recoñecía que nunca foi a falar cos adestradores porque “sempre tentan decidir o mellor para o equipo.”

Emre Çolak tamén dedicou parte da rolda de prensa ao retorno de Carles Gil, de quen afirmou que “é bo ter no campo compañeiros que teñen calidade co balón; e de Andone, “triste” por non formar parte da estratexia de Cristóbal no partido. “Só queda esperar e traballar”, recomendáballe.

O centrocampista non se esqueceu do clásico derbi galego, un partido “moi importante” para el, pero polo momento debe centrarse no gran enfrontamento da semana, no que o Deportivo “terá que correr máis, xogar como un equipo para sacar puntos como o ano pasado”.