As manobras da cúpula de Caixanova provocaron perdas de 80 millóns de euros

É a cantidade que o xuíz da Audiencia Nacional lles impón como finanza aos ex directivos investigados, baixo ameaza de embargo.


|

Xuízo novacaixagalicia  575x323Exdirectivos das caixas, no anterior xuízo.


O xuíz da Audiencia Nacional José da Mata impúxolle o pago dunha fianza de 80 millóns de euros ao ex presidente de Caixanova Julio Fernández Gayoso e outros sete acusados no caso 'Alfageme' polo prexuízo causado á caixa extinta ao concederlle preto de 135 millóns de euros en créditos a unha promotora para a compra da conserveira, pola súa proximidade cos xestores da mesma.


No auto, o titular do Xulgado Central de Instrución número 5 expón que esta é a cantidade que se corresponde cos prexuízos sufridos por Caixanova en relación coas operacións financeiras que levaron a cabo entre os anos 2005 e 2009 e advirte de que se no prazo de cinco días non abonan a dita caución procederase a embargar os bens dos acusados ata cubrir a cantidade estipulada.


O xuíz acorda esta medida tras tomar declaración entre luns e martes aos oito investigados. Trátase do ex presidente da caixa galega Fernández Gayoso; o ex director José Luis Pego Alonso; o ex directivo Gregorio Gorriarán; o que fora subdirector xeral de Caixanova Domingo González; o ex director xeral da oficina principal da entidade José Benito Parente; o administrador da promotora Promalar Juan Lago Pérez e os tasadores Manuel Ardid e Manuel Asende. A todos eles investígaselles polo delito de administración desleal e branqueo de capitais.


NON É UNHA MEDIDA PREMATURA


No seu auto, o xuíz ten en conta a gravidade e complexidade dos feitos, a duración temporal da causa e a contía das responsabilidades. Ademais expón que non se trata dunha medida "precipitada ou prematura".


Para tres dos investigados nesta causa --Pego Alonso, Gorriarán Laza e Fernández Gayoso-- trátase dun novo proceso xudicial relacionado coa súa xestión na caixa xa que foron condenados a dous anos de cárcere cada un por este mesmo órgano en relación co cobro de indemnizacións millonarias que se concederon a si mesmos antes de abandonar a entidade e que alcanzaron os 22 millóns de euros.


relacionada ​A cúpula de Caixanova volve á Audiencia Nacional por créditos concedidos a amigos
relacionada Un preferentista e un sindicalista da CIG, chamados á comisión de caixas do Congreso
relacionada ​A cúpula de Caixanova volve á Audiencia Nacional por créditos concedidos a amigos

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE