Lídia Senra mantense na súa postura contraria á obrigatoriedade das vacinas

|

Lida senra parlamentoeuropeoLídia Senra, non Parlamento Europeo. Foto: @VillaresLuis


A eurodeputada Lídia Senra defendeu que a súa pregunta dirixida á Comisión Europea en agosto "non vai de vacinas si, vacinas non", senón de que "os poderes públicos garantan a seguridade fronte ao poder das farmacéuticas", á vez que acusa ao PP de "lanzar" un "ataque" contra ela.


En Marea, Anova e Esquerda Unida expresaron publicamente a pasada semana que non comparten a iniciativa presentada pola eurodeputada Lídia Senra, quen, nunha pregunta remitida ao Parlamento europeo cuestionaba a seguridade e efectividade das vacinas. Con todo, o portavoz de En Marea, Luís Villares, avalou esta semana o seu labor na Eurocámara.


A que foi líder do Sindicato Labrego cargaba na súa pergunta en contra de "obrigar a poboación a someterse a unha práctica de risco". No comunicado emitido este martes segue sen recoñecer a eficacia das vacinas para erradicar ou minimizar enfermidades contaxiosas.


Senra sostén que desde a súa "responsabilidade" como deputada do Parlamento europeo seguirá "traballando en defensa da sanidade pública fronte ás políticas neoliberais que está a poñer en marcha o PP para privatizalas".


"Cando o PP lanzou hai uns días este ataque contra min por unha pregunta rexistrada no mes de agosto seguramente pensou que lle podería servir para tapar o debate, o malestar social sobre a deterioración da sanidade e a falta de medios e as mobilizacións que está a haber en Galicia en defensa da sanidade pública", sostén.


"MEDO A FACER PREGUNTAS"


Nun comunicado, Senra di respectar "moito" as "diversas opinións e críticas que xurdiron con motivo desta pregunta", xa que ambas "son un valioso estímulo para seguir preguntando á Comisión Europea". "Cousa que seguirei facendo", asegura. "Penso que non se pode ter medo a facer preguntas", agrega.


"Eu seguirei preguntando e seguirei traballando para que as decisións políticas que afectan á saúde e á seguridade de todos os medicamentos non estean condicionados polos intereses das farmacéuticas", asegura.


relacionada En Marea, Anova e Esquerda Unida desacreditan a iniciativa antivacinas de Lídia Senra

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress