Restablecida toda a subministración eléctrica de media tensión tras o temporal
Gas Natural Fenosa afirma que pode quedar algunha liña de baixa tensión inoperativa, pero "algo moi localizado" que afectaría a poucos clientes.
Todas as liñas de media tensión e os centros de transformación de Gas Natural Fenosa en Galicia foron restablecidos tras o temporal que afectou o domingo á Comunidade.
Segundo informan fontes da compañía a Europa Press, o restablecemento destas liñas prodúcese "sen prexuízo" de que aínda exista algunha inoperativa de "baixa tensión", que sería "algo moi localizado" e tan só afectaría a poucos clientes.
O temporal de choiva e vento 'Ana' deixou o domingo sen subministración eléctrica a máis de 20.000 clientes de Gas Natural Fenosa en Galicia, que se foron reducindo nas últimas horas ata dar por liquidado o problema en todas as liñas de media tensión.
Escribe o teu comentario