Os árbitros piden multas para Hugo Mallo e Aspas polas súas críticas a Munuera
Pola súa banda, o Celta pedirá manter o colexiado lonxe do equipo durante un tempo.
O Comité de Árbitros pídelle ao Comité de Competición que sancione a Hugo Mallo e Iago Aspas polas súas declaracións contra o colexiado Munuera Montero tras o partido contra o Valencia en Mestalla.
O lateral dixo que "sempre nos pasa o mesmo con esta persoa", mentres Aspas esixiu "que non nos pite máis". Ambos os futbolistas expresaron as súas críticas ante a arbitraxe sufrida.
As declaracións custaranlles aos capitáns do Celta unha multa que non será menor de 3.000 euros, pero non terá partidos de sanción.
Pola súa banda, o Celta quere ao colexiado Munuera Montero lonxe do equipo celeste e así llo solicitará aos responsables da Federación Española de Fútbol que designan árbitros para os partidos.
De momento, iso si, o club non emitiu ningún comunicado sobre o asunto.
Os once metros castigan ao Celta de Vigo
Escribe o teu comentario