As orquestras Panorama, París de Noia e Marbella pechan a súa tempada cun festival
Nesta sexta edición suman "máis de noves horas" de actuacións en directo.
As orquestras galegas Panorama, París de Noia e Marbella pechan a súa tempada de xira 2017 no festival Closing Tour de Silleda (Pontevedra), acollido no pavillón número 1 do recinto Feira Internacional de Galicia Abanca.
Así o comunicou a entidade nunha nota de prensa na que cualificou este evento como "cita obrigada" para "os afeccionados á música de orquestra", polas súas "máis de nove horas" de actuacións en directo.
O festival celebra a súa sexta edición, mantendo condicións como "a climatización do pavillón" e os "servizos de restauración e roupeiro".
NOVIDADES
Abanca apuntou que, "tras catro anos", Panorama regresa ao festival Closing Tour para "gozar dun espectáculo ao completo". Así mesmo, no evento destacan "os numerosos cambios da orquestra Marbella" para a xira 2018. Estes inclúen "escenario, vestiario e integrantes".
Tamén as "novidades" en París de Noia para a nova tempada, entre as que se inclúen "a remodelación interior do escenario" e "cinco novas fichaxes".
Máis requisitos e máis control sobre as verbenas e festas populares
O 'rei das orquestras' volve ao banco esta semana
Escribe o teu comentario