​Bruxelas expedienta a España por frear a entrada de produtos de homeopatía

A Comisión Europea dá dous meses para dar unha resposta.


|

Homeopatia



A Comisión Europea anunciou este xoves a apertura dun expediente sancionador a España polas restricións que impón á entrada de produtos de homeopatía, mal chamados medicamentos, que son legalmente comercializados noutros países da Unión Europea, algo que a xuízo de Bruxelas vulnera as regras da libre circulación de mercadorías.


A situación actual fai "imposible na práctica" introducir no mercado español os produtos homeopáticos que son "comercializados legalmente" noutros Estados membros, explicou o Executivo comunitario nun comunicado.


Iso supón actuar "en contra da normativa da UE" en materia de libre circulación de mercadorías e da directiva sobre medicamentos para uso humano.


Por iso, Bruxelas remitiu ás autoridades españolas unha carta de emprazamento, primeira etapa dun procedemento de infracción e que dá un prazo inicial de dous meses a España para responder á situación.


Se a primeira resposta non satisfai a Bruxelas, os servizos comunitarios poderían pasar á seguinte fase, un ditame motivado que daría un ultimato de dous meses ao país para solucionar as diferenzas ou acudir, tras o cal, se persiste a infracción, a Comisión podería elevar o caso ao Tribunal de Xustiza da Unión Europea.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE