En Marea esixirá explicacións á Xunta polas “portas xiratorias” da sanidade galega
Os nomeamentos de Mosquera e Brandt nos seus novos cargos son cuestionados polo grupo parlamentario
En Marea notificou que pedirá explicacións á Xunta polo que considera de novos casos de “portas xiratorias e desvíos de poder" na sanidade galega, referido ao nomeamento da ex conselleira de Sanidade Rocío Mosquera como directora de Galaria e da antiga directora xerente desta entidade, Mari Luís Brandt, como directora do hospital vigués Povisa.
O grupo parlamentario esixirá unha resposta do Executivo galego por estes dous novos nomeamentos que, en opinión de En Marea, incumpren varias normativas. No caso de Mosquera, vulnera a lexislación en materia de incompatibilidades ao poñerse á fronte de Galaria, a empresa pública encargada de xestionar a tecnoloxía sanitaria.
Pola súa banda, o caso de Brandt, En Marea cuestiona o paso da dirección de Galaria á dirección dun hospital privado que ten atención concertada co Servizo Galego de Saúde (Sergas).
Escribe o teu comentario