O prezo da vivenda en Galicia subiu un 1,7% no terceiro trimestre
No total de España, os prezos medios subiron un 6,7%, o maior aumento interanual desde 2007.
O prezo medio da vivenda en Galicia subiu un 1,7% no terceiro trimestre deste ano. Os datos, recollidos polo Índice de Prezos de Vivenda (IPV) o Instituto Nacional de Estatística, mostran unha variación trimestral do 1,6% na comunidade galega.
Segundo os datos do INE, a taxa anual do IPV neste terceiro trimestre sitúase un 0,7% máis que no trimestre anterior. Por tipo de vivenda, o prezo medio das vivendas de segunda man aumentou un 1,3% con respecto ás cifras do ano pasado, mentres que o prezo das vivendas de nova construción aumentou un 4% con respecto ás cifras do ano pasado, cunha variación trimestral foi do 1,8%.
No total de España, as cifras do prezo medio da vivenda libre subiron un 6,7% no terceiro trimestre, rexistrando o seu maior aumento interanual desde 2007 no mesmo período do ano. Con este incremento interanual, que supera en 1,1 puntos o experimentado no trimestre anterior, os prezos da vivenda libre acumulan catorce trimestres consecutivos de alzas interanuais.
No referido ao tipo de vivenda, o prezo medio das vivendas de segunda man aumentou un 6,7% interanual no terceiro trimestre, case un punto máis que no trimestre anterior e tamén a súa taxa máis alta do últimos dez anos. Pola súa banda, as vivendas novas experimentaron unha subida do 6,5% no mesmo período, máis de dous con respecto ao ano anterior.
Estremadura é a única comunidade autónoma onde non se rexistrou un aumento de prezos en relación á taxa interanual. En cambio, Madrid cun aumento do 12,3%, Barcelona cunha subida do 10% e as Illas Baleares cun incremento do 9,1% son as comunidades autónomas nas que se rexistrou a maior subida de prezos en canto ao valor interanual. Pola contra, en canto ao valor trimestral, tres comunidades sufriron baixadas no prezo da vivenda: Castela e León, A Rioxa e Castela-A Mancha, esta última coa maior caída dun 0,4%.
Escribe o teu comentario