Arquivan o caso Hormigón ao non ver probada a prevaricación

A xuíza apunta que houbo obras en Vigo que non respectaron o procedemento administrativo pero non aprecia delito.


|

Santoshectorpsdeg

Santos Héctor era un dos concelleiros investigados.


A xuíza de instrución número 1 de Vigo ditou auto decretando o sobresemento provisional e arquivo da causa contra varios concelleiros e funcionarios do concello olívico no coñecido como caso Hormigón, ao non ver acreditada a comisión do delito de prevaricación.


Segundo o auto, non concorren os requisitos precisos para determinar que as persoas investigadas (os concelleiros Isaura Abelairas e Santos Héctor Rodríguez, e os funcionarios Francisco Javier G.O., Álvaro C.C., e Jorge M.R.) cometeron ese delito na adxudicación de obras públicas.


A maxistrada apunta na súa resolución, con respecto a Santos Héctor Rodríguez e a Francisco Javier G.O., que os cambios na obra de acondicionamento da contorna de Garavilla, non constitúen unha infracción penal. Así, aínda que se fixeron obras que non se correspondían co proxecto inicial e que se apartan da legalidade administrativa, non se pode falar dunha imposición arbitraria do capricho dunha autoridade ou un funcionario.


Na mesma liña, as actuacións que se vinculan a Isaura Abelairas, Álvaro C.C. e Jorge M.R., afirma que tampouco son constitutivas do delito de prevaricación. Respecto diso, o auto incide en que, aínda que esas obras "non respectaron o correspondente procedemento administrativo", son actuacións "a maiores" das proxectadas, "froito de necesidades imprevistas".


Por todo iso, a titular do xulgado de instrución número 1 de Vigo concluíu que a actuación dos investigados non contén elementos obxectivos suficientes para constituírse en delito de prevaricación.


INVESTIGACIÓN


Esta investigación xudicial iniciouse por mor dunha denuncia presentada pola Fiscalía en 2014. Ao longo do procedemento chegaron a estar investigados seis concelleiros e ex concelleiros vigueses (de PSOE, PP e BNG), dous empresarios e case unha decena de técnicos.


Ao longo da instrución fóronse arquivando as actuacións con respecto á maioría de investigados e, finalmente, só quedaron procesados os concelleiros Santos Héctor Rodríguez e Isaura Abelairas, e tres funcionarios. Agora, a xuíza decretou o sobresemento e arquivo con respecto a todos eles e á causa.


relacionada Santos Héctor queda absolto do enchufe dunha cuñada de Carmela Silva

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE