Detido un home por estafar a anciás mediante un imposto falso

|


Policia


Un home de 63 anos de idade foi arrestado por axentes da Policía Local de Vigo como presente autor dun delito continuado de estafa. O detido facíase pasar por empregado municipal para enganar a distintas mulleres de avanzada idade, esixindo o pago de 150 euros por un imposto falso.


A detención produciuse este luns tras o aviso dunha anciá de 81 anos de idade, que se decatou do engano ao tentar cobrarlle 150 euros por un “novo” imposto vinculado ao catastro. A muller desconfiou e chamou ao Concello, onde lle confirmaron que dita taxa directamente non existía.


O home si logrou estafar a outra muller do mesmo edificio, de 82 anos de idade. A Policía localizou na mesma rúa ao home, sospeitoso de anteriores fraudes similares. Tras a súa detención, interviñéronlle os 150 euros estafados, un boletín de facturas, e unha factura manuscrita na que podía lerse 'Oficina de Xestión Pendente de Atrasos', ademais dunha cartilla bancaria a nome dunha muller e outros documentos.

relacionada ​Un condutor bébedo atropela ao mago Jorge Blass tras unha actuación
relacionada Sen unha solución "definitiva", a auga deixará de ser potable este mes

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress