A circulación de vehículos restrinxirase en varias rúas pola iluminación
Esta medida, anunciada polo concello, está motivada polo número de viandantes que acoden a ver a iluminación do Nadal.
O Concello de Vigo anunciou que a partir deste luns produciranse corte de tráfico que afectarán a varias rúas do centro da cidade olívica. Isto débese á “inmensa afluencia" de vigueses e visitantes que acoden a contemplar a iluminación e os ornamentos do Nadal, segundo expresou o alcalde Abel Caballero.
Así o fixo saber o edil en rolda de prensa, explicando que o plan busca beneficiar a mobilidade peonil. Deste xeito, a activación do plan especial de tráfico prohibirá a circulación de vehículos particulares (si poderá circular o transporte público) desde a rúa Elduayen ata o cruzamento de Policarpo Sanz e cale Reconquista, e desde o cruzamento de Colón e Uruguai ata o cruzamento de Urzáiz con República Arxentina. Estas medidas aplicaranse de 18 a 22 horas os venres, sábados, domingos, festivos e vésperas de festivos.
Ademais, Caballero asegurou que está a recibir un gran número felicitacións pola iluminación do Nadal. As felicitacións proceden de vigueses e de visitantes doutros lugares de Galicia "que o comparan co das súas cidades". "Nunca pasara nada similar. Cumprimos o obxectivo, hai unha afluencia enorme de xente que vén ver as mellores luces de ningunha cidade do planeta", proclamou.
Escribe o teu comentario