Ambición e valentía: o 'partido perfecto' que esixe Andreu Fontàs

“Ambiciosos e sen medo.” Sobre esta idea incidiu con especial relevancia o central do Celta, Andreu Fontàs, sobre o encontro do próximo sábado contra o Barcelona. O central asegura ir a un “campo difícil”, pero disposto a pelexalo.

O sábado disputarase o que é para moitos un auténtico ‘David contra Goliat’, máis aínda coa ausencia de Jonny no persoal céltico. Fontàs é consciente do difícil enfrontamento, pero afirma que o equipo “ten recursos” e xente que “se adapta ben a distintas posicións”.

O xogador do Celta fundamentouse nunha posición optimista, onde o importarse do partido será “sacar algo positivo” e xogar sen “terlles medo”. Para o central, resulta imprescindible enfocarse na actual forma de xogar do Barcelona, un equipo con poucas fisuras do que “hai pouco que dicir de malo”.

“Encaixaron moi pouco e están a demostrar ser un gran equipo”. Fontàs teno claro: o Celta necesita xogar “o partido perfecto” para dar a talla no encontro do próximo sábado.