Galicia prepárase a contrarreloxo para unha "máis que probable emerxencia" por seca

|

Embalsesequia



A Xunta prepárase para "unha posible situación de emerxencia" debido á seca, que é "máis que probable", á vista de que as únicas choivas que se prevén para os próximos días son máis ben "chuvascos" e só se darán na metade norte de Galicia.


Diso deron conta aos xornalistas, ao termo da reunión semanal do Goberno galego, tanto o presidente, Alberto Núñez Feijóo, como a conselleira de Medio Ambiente, Beatriz Mato.


De feito, o mandatario advertiu de que os 90 días de subministración que restan "poderían ser" menos no caso de que non se tomen "medidas de aforro", que elevou a "imprescindibles". "Estamos obrigados a asumir a situación que hai, que é moi preocupante", salientou.


Pola súa banda, a titular de Medio Ambiente avanzou que pedirá aos concellos de máis de 20.000 habitantes que elaboren un plan de emerxencia e que axudará aos máis pequenos a elaborar o seu, no que se haberán de identificar as actuacións necesarias para garantir a subministración.


Así mesmo, sen deixar de apelar á importancia de "controlar e racionalizar" o uso da auga, tamén pediu a concellos e empresas concesionarias traballar para detectar posibles fugas na rede de saneamento.


relacionada O encoro de Eiras nutrirase do río Verdugo grazas a un transvasamento
relacionada O bombeo desde Meirama garante auga para os próximos meses
relacionada A seca ameaza tamén a biodiversidade nas contornas dos ríos galegos

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress