Por cada dez galegos ás portas da xubilación chegan dous ao mercado laboral

O Instituto Galego de Estatística sitúa en número de afiliados á Seguridade Social a peche de 2016 ao bordo do millón.


|

Tallertrabajador


En Galicia, por cada 100 persoas que están en idade próxima a abandonar o mercado laboral contabilízanse 19 que acaban de ingresar nel, segundo a estatística de emprego na Seguridade Social e mutualidades que publica este mércores o Instituto Galego de Estatística (IGE).


Así o reflicte o indicador de taxa de substitución da poboación afiliada, que compara a poboación afiliada menor de 25 anos e a poboación afiliada maior de 55.


Este indicador utilízase para comparar a poboación que acaba de ingresar como cotizante ao sistema da Seguridade Social e mutualidades coa que está en idade próxima a abandonalo e pasar á situación de pensionista.


CASE 1 MILLÓN DE AFILIACIÓNS


En Galicia, en decembro de 2016, rexistráronse 990.499 afiliacións á Seguridade Social, ISFAS, MUFACE e MUGEJU. En canto a afiliados, rexistráronse 961.219 nas distintas mutualidades. Con respecto ao mesmo mes do ano anterior, as afiliacións aumentaron un 1,82% e os afiliados un 1,68%.


As 990.499 afiliacións que houbo en Galicia en decembro de 2016 repartíronse entre agricultura e pesca (5,9%), industria e enerxía (13,2%), construción (6,9%), servizos (73,9%) e unha pequena porcentaxe das afiliacións (0,1%) que non foi posible asignar a ningún sector por falta de información.


Por seccións de actividade destacan a rama do comercio co 17,7% do total de afiliados e a rama da industria manufactureira que posúe o 12,2% do total de afiliados.


relacionada Case 40.000 galegos menos en idade de traballar na última década
relacionada O mercado laboral galego non conta cos menores de 29 anos

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE