Case 30 cargos públicos retirados manteñen escolta persoal, para a familia e nas súas casas

|

Rajoycocheoficial2


Un total 28 persoas que no seu momento ocuparon cargos públicos manteñen escolta persoal por parte da Policía ou da Garda Civil, segundo explicou o Goberno a Izquierda Unida nun documento no que tamén detalla que as Forzas e Corpos de Seguridade do Estado prestan servizo de protección a outras 118 personalidades e persoas que seguen ostentando un cargo público nacional ou autonómico.


Estes son os datos que remitiu o Executivo ao deputado de IU Ricardo Sixto, quen se interesou, entre outras cousas, polo número de axentes da Policía e a Garda Civil destinados a estas tarefas de protección.


Aínda que o Goberno si lle facilitou o número de persoas escoltadas --un total de 146, das que 118 son cargos públicos en activo e os outros 28 xa están retirados--, non puido especificar, por "non dispoñer de información", cantas persoas gozan de escolta na Casa do Rei, en Presidencia do Goberno ou a través da Policía adscrita ás autonomías.


O Executivo tampouco contesta a outras das cuestións que lle preguntaba Sixto como o número de axentes da Policía e a Garda Civil que se dedican a estas tarefas. A este respecto, sinala que parte dos datos ou documentos solicitados conteñen "información clasificada" ao amparo do establecido no acordo do Consello de Ministros de 1986, polo que se clasifican determinados asuntos e materias con arranxo á Lei de Segredos Oficiais de 1968.


INFORMACIÓN SECRETA


Por iso, acláralle que se desexa coñecelos terá que facelo como marca a Resolución da Presidencia do Congreso dos Deputados de 2004, sobre segredos oficiais. Este procedemento permite que, en casos de información que non se pode enviar nin facer copia, polo menos o deputado poida reclamar consultala no departamento ministerial.


Con todo, o Executivo si informou hai unhas semanas ao portavoz de Interior do PSOE no Congreso, David Serrada, sobre o número de axentes que protexen a ex cargos públicos. En concreto, nunha resposta indicaba que 196 policías e gardas civís seguen prestando servizo de escolta a personalidades que xa non desempeñan ningunha actividade, con vehículos que custan anualmente preto de 30.000 euros.


É máis, o Executivo precisaba que son 123 os policías e 15 os gardas civís que prestan servizo de escolta a estas persoas e 35 gardas civís e 15 policías os que encargan de vixiar os seus domicilios. Engadía a catro gardas civís e outros tantos policías que se encargan de protexer a familiares destas personalidades que xa non ocupan cargos públicos.


NON HAI ESCOLTAS PRIVADOS


Ricardo Sixto tamén solicitaba o documento oficial onde se detallan os criterios polos que se rexe Interior para proporcionar ou retirar os servizos de escolta persoal.


Na súa contestación, o Goberno cítalle a Instrución nº 3/2012 da Secretaría de Estado de Seguridade, ampliada pola nº 6/2012, que establece os criterios e condicións que "determinan a asignación, coordinación ou retirada dos servizos de protección das persoas que o requiran por razón do seu cargo ou polo seu elevado nivel de risco persoal".


Por último, o Goberno deixa claro ao deputado de IU que "na actualidade" non existe ningún servizo de protección de escolta a autoridades ou cargos públicos que sexa proporcionado por empresas de seguridade privada con cargos aos Orzamentos Xerais do Estado.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress