Absolto do delito de homicidio imprudente o axente que disparou ao batería de Los Piratas

O Xulgado do Penal número dous de Pontevedra absolveu do delito de homicidio imprudente ao axente da Garda Civil que en agosto de 2015 disparou e lle causou a morte a Javier Fernández, que foi batería da banda de rock Los Piratas.

Na sentenza, o maxistrado xuíz Miguel Aramburu apunta que o axente, "consciente da situación de risco do seu compañeiro, a quen non podía auxiliar, xa que el estaba situado no exterior da vivenda, e dado que non tiña outro medio para evitar a agresión e o risco que representaba para a vida do seu compañeiro, sacou a súa pistola".

Así, engade que "rapidamente, cando considerou que podía facer un disparo coa finalidade de ferir o músico, disparoulle para impedir que continuase agredindo ao seu compañeiro".

Por tanto, entende que o garda civil "pretendía coa súa acción protexer a vida do seu compañeiro, tendo intención de só ferir ao agresor".