O Delgado do Goberno en Galicia afirma que é unha das comunidades “máis seguras”

|


SantiagoVillanueva

O Delegado do Goberno en Galicia, Santiago Villanueva. 


Santiago Villanueva, delegado do Goberno en Galicia, solicitou aos cidadáns que denuncien, en caso de coñecer aos autores, os incendios intencionados para a súa detención e destacou o traballo "intenso" das forzas e corpos de seguridade para esclarecer a vaga de lumes rexistrada en outubro. Á súa vez, declarou que Galicia é unha das comunidades “máis seguras” de España.


O delegado pronunciouse deste xeito nunha entrevista concedida a Radio Nacional España (RNE) na que volveu a sinalar que a coincidencia de "case 300 lumes" simultáneos no fin de semana no que se produciu a vaga de incendios fai pensar que "non naceron de forma espontánea". Unha situación que se volveu a repetir esta semana coa chegada dun temporal de vento ás comunidades de Galicia e Asturias, onde se activaron máis dunha vintena de focos.


Con todo mostrouse cauto á hora de falar de incendios provocados, xa que o inicio dun incendio é "moi complicado de determinar" dado que moitas veces o propio lume "destrúe as probas". Por iso, incidiu na importancia da colaboración cidadá para terminar con esta problemática. Nesta materia, destacou o traballo realizado polas forzas e corpos de seguridade do Estado para aclarar os incendios de outubro, sobre os que "hai moitas liñas de investigación". "Este ano levamos detidas e investigadas a máis de 180 persoas, que é unha cifra moi importante", indicou.


Ademais, preguntado polas zonas de alta intensidade incendiaria e sobre a existencia de sospeitosos, recoñeceu que "non están identificados os que queiman os montes" xa que "se o estivesen e houbese as probas necesarias procederíase á súa detención". Con todo, subliñou que contan cunha "maior presenza policial" para aclarar e previr os incendios que se rexistran.


GALICIA, UNHA DAS COMUNIDADES “MÁIS SEGURAS”

Na súa intervención, o delegado do Goberno puxo en valor que Galicia ten "unha taxa de criminalidade moi baixa". "É unha das comunidades máis seguras", manifestou Villanueva que, con todo, asegura que "a seguridade 100% non existe".


Neste punto, preguntado sobre a situación de Resistencia Galega, explicou que é un "tema no que os corpos e forzas de seguridade do Estado seguen traballando" do mesmo xeito que en "casos de yihadismo". "Seguimos en alerta catro e ese nivel implica unha maior prevención", indicou. Ademais, na súa intervención, referiuse tamén aos casos de  mulleres desaparecidas en Galicia que permanecen sen esclarecerse como o de Diana Quer, Elisa Ambruñedo, Socorro Pérez ou Sonia Igrexas. Sobre estes, asegurou que, aínda que "perdesen inmediatez nos medios", a Policía e a Garda Civil "seguen traballando" para aclaralos.

relacionada Outra vez volveron iniciarse incendios forestais xusto antes dun temporal de vento
relacionada Os socialistas reclaman unha auditoría externa dos helicópteros contra incendios

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress