Atopan no peche dunha vivenda do Moaña unha granada da Guerra Civil

A granada, no muro de pedra.

Os especialistas TEDAX do Servizo de Desactivación de Artefactos Explosivos da Garda Civil da Comandancia de Pontevedra recolleron en Moaña unha granada de man da Guerra Civil española.

O artefacto fora localizado esta semana nun muro de pedra que circunda unha vivenda neste municipio pontevedrés, cando o seu propietario estaba a realizar labores de limpeza na parcela e no inmoble.

Cando o dono da casa puxo o feito en coñecemento da Garda Civil, adoptáronse as primeiras medidas de prevención, acordoando a zona, e activouse de forma inmediata o protocolo de actuación por parte dos TEDAX para a neutralización e recollida do artefacto para a súa total destrución.

Os expertos confirmaron que se trataba dunha granada tipo piña, con argola e en avanzado estado de oxidación, que pode ser de fabricación polaca, residual da Guerra Civil española.