A policía local caza ao volante de madrugada a un menor de idade
Unha patrulla conseguiu darlle o alto e comprobaron que tiña 16 anos.
Axentes da Policía Local de Vigo instruíron dilixencias por un delito contra a seguridade viaria a un mozo menor de idade e sen carné de conducir que circulaba ao volante dun turismo pola cidade.
Segundo informou a Policía Local, sobre as 00,15 horas deste venres unha patrulla decatouse na confluencia das rúas Sanjurjo Badía con Buenos Aires, de que un turismo en circulación podía ser conducido por un menor.
Tras conectar os dispositivos luminosos para indicarlle que se detivese, comprobaron que o condutor era un home de 16 anos e sen permiso de conducir, polo que foi entregado aos seus pais e instruíronselle dilixencias remitidas á Fiscalía de Menores.
Escribe o teu comentario