Tino Fernández recibe un apoio case unánime na Xunta de Accionistas

|


662x372ccc 2112564320171120 tino junta 1

O presidente Tino Fernández. RC Deportivo. 


O pasado mércores celebrouse a Xunta Xeneral de Accionistas do Real Club Deportivo. Nela, quedou configurada coa presenza de 137 accionistas, con 2.125 accións propias e 52.448 accións representadas (1.459 accionistas representados), cun total de 3.279.837,30 € de capital presente e representado (31,86651% do Capital Social).


Tras o informe do presidente aos accionistas, no que se repasou a actividade social do pasado exercicio, procedeuse á presentación o resto de puntos da asemblea e á intervención do Conselleiro da área Económica Enrique Calvete. Durante a xunta, oito accionistas e os seus representantes interpelaron con acerto Fernandez sobre a actualidade do club e o presidente respondeu as súas cuestións.


Durante a xunta, se aprobaron as contas anuais e consolidadas, a aprobación da proposta de aplicación do resultado do exercicio pechado ao 30 de xuño de 2017, a aprobación de orzamentos da presente tempada e a delegación de facultades. A votación pechouse cun 99,6% de votos a favor en todos os puntos.


BO EXERCICIO ECONÓMICO

“Foi unha xunta de accionistas conforme ao esperado. Bo ton, boas intervencións e boas ideas por parte da xente”, afirmou o presidente do club branquiazul, Tino Fernández, á saída da xunta. Durante a súa intervención, o presidente puxo en valor todos os progresos e melloras realizados en todos os niveis da estrutura branquiazul, facendo especial fincapé nos asuntos económicos.


Con todo, recoñeceu que o principal valor do club reside en continuar en Primeira División e que só a permanencia e os ingresos derivados da repartición televisiva poden facer aspirar ao Deportivo a cotas máis altas que a salvación. “O obxectivo é dar un paso adiante definitivo que nos sitúe no que me gusta denominar ‘LaLiga pechada’, ese grupo de equipos que arrincan a tempada coa seguridade de que, salvo hecatombe, estarán ao final da campaña en LaLiga Santander” recoñecía o mandatario herculino.


Doutra banda, outro dos temas de interese na xunta virou ao redor da débeda do club. O acordo con Abanca asinado no verán permitiu á entidade “liquidar o 91% da débeda privilexiada que se mantiña coa Axencia Tributaria e cancelouse a parte do préstamo sindicado que correspondía ao Banco Sabadell”. O crecemento dixital, o ritmo económico a nivel de merchandising, o regreso do Fabril a Segunda B e o investimento do club na canteira foron outros dos puntos dos que falou o presidente Tino Fernández. 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress