O Sevilla confirma que Berizzo sofre cancro de próstata
Varios medios deportivos apuntan que o adestrador llo desvelou aos seus xogadores no descanso do partido de Champions.
Berizzo, no banco celeste. Foto: RC Celta
Ao adestrador do Sevilla e ex do Celta Eduardo Berizzo diagnosticóuselle cancro de próstata. Adiantárono este martes pola noite varios medios deportivos, pero o Sevilla confirmouno este mércores.
"Os servizos médicos do Sevilla FC informan de que o adestrador do primeiro equipo, Eduardo Berizzo, foi diagnosticado dun adenocarcinoma de próstata. Os exames futuros permitirán decidir cales son os pasos para seguir en canto ao seu tratamento."
Varios medios deportivos apuntan a que o adestrador llo desvelou aos seus xogadores no descanso do partido de Champions, e de aí a celebración dos futbolistas co técnico tras lograr o empate co Liverpool.
Escribe o teu comentario