A Deputación de Pontevedra dá o seu apoio á reconversión do Cíes

|

Ciesvigo

Fachada do Cíes.


A Deputación de Pontevedra apoiou oficialmente a idea de reconverter o antigo Policlínico Cíes nun centro de maiores non dependentes, unha proposta de Comisións Obreiras. A idea é que as persoas que acudan ao centro "poidan manter a súa independencia saíndo do centro para as súas compras, tomar o café ou simplemente pasear, pero nunha contorna de control".


Así o fixo saber a presidenta provincial Carmela Silva na reunión coa responsable da unión comarcal de CC.OO. en Vigo, Amelia Pérez, e o responsable da unión de pensionistas do sindicato, Perico Ucha, principais artífices da proposta para a creación do centro e que apostan para que sexa xestionado por unha fundación pública participada pola Universidade de Vigo, a Xunta e o Concello olívico.


Para Silva esta é unha das solucións na loita contra o "déficit que existe nas prazas de residencias para persoas maiores" que ten Vigo; e ademais serviría para recuperar "un edificio singular para a cidadanía", mantería o seu uso socio-sanitario e, xunto á nova Cidade da Xustiza, permitiría recuperar a actividade da zona. A proposta suma así outro apoio xunto ao Concello de Vigo. O plan, segundo Silva, é "perfectamente asumible por todas as administracións", polo que pediu "a implicación de todas no proxecto".


relacionada Un modelo de "piso compartido" para maiores no antigo Cíes de Vigo

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress