A XXVII edición da Semana de Cinema Submarino chega ao Teatro Afundación de Vigo
As xornadas sobre a riqueza das profundidades mariñas están impulsadas pola Universidade de Vigo.
Un dos fotogramas de "SyngDoc: O descoñecido mundo dos signátidos".
O Teatro Afundación de Vigo acollerá, do 22 ao 24 de novembro, a Semana de Cinema Submarino, na que se estrearán dúas producións galegas, e proxectaranse outros documentais sobre a riqueza das profundidades mariñas. O evento está impulsado pola Universidade de Vigo e xa vai pola súa vigesimoséptima edición. As sesións serán a partir das 20:00 horas e a entrada será gratuíta, ademais de sesións matinais para grupos escolares.
As proxeccións comezarán o mércores 22 de novembro con dous traballos asinados por National Geographic: 'O home e a natureza. Oceános', que aborda o vínculo entre o home e o animal a través das experiencias do doutor M.Sanjayan; e 'A vida secreta das perlas', sobre o descubrimento desta xoia mariña. Fran Ramil, profesor de Zooloxía, será o presentador e moderador do debate nesta primeira xornada.
O 23 de novembro poderán verse outras dúas películas: 'Siluros, as quenllas de río', de National Geographic, e 'Mareas Vermellas', unha produción galega do FECYT (Fundación Española para a Ciencia e a Tecnoloxía) e do CSIC. A xornada será presentada e moderada polo investigador do Instituto Español de Oceanografía, Francisco Rodríguez, experto en fitoplancto e membro do grupo de investigación sobre microalgas nocivas e mareas vermellas.
As xornadas concluirán o venres 24 de novembro, proxectarase 'O arrecife secreto de Cuba' de National Geographic, que mostra como sería o Caribe sen a intervención da man do home; e a segunda das películas galegas, 'SyngDoc: O descoñecido mundo dos signátidos', familia de peixes da que forman parte os caballitos de mar, os peixes pipa ou os dragones de mar. O invitado da xornada será precisamente o coordinador deste segundo documental, o biólogo Miquel Planas, investigador titular do CSIC.
Escribe o teu comentario