Pechar as centrais nucleares subiría o prezo da luz outro 25%

O ministro de Enerxía responde aos reproches ante a subida da factura eléctrica e as cifras de pobreza enerxética.


|

Calefaccionradiador


O ministro de enerxía, turismo e axenda dixital, Álvaro Nadal, advertiu este mércores no Congreso que pechar as centrais nucleares do país carrexaría un incremento no prezo da luz do 25%. Asegurouno en resposta a unha pregunta da parlamentaria de Unidos Podemos Ione Belarra sobre a pobreza enerxética.


Ademais, Nadal tamén sinalou que "pechando as centrais de carbón nas portas do inverno", algo que segundo o ministro propuxo o grupo parlamentario de Unidos Podemos, "supoñería un 15% máis de prezo".


O ministro lembrou que xa existe un bono social aprobado co consenso do conxunto da Cámara, excepto o grupo que lidera Pablo Iglesias, no que "se fixaron niveis de renda, creouse a figura do consumidor con vulnerabilidade severa e estableceuse unha achega do 50% da factura por parte do sistema enerxético, en lugar do 100% que ata agora corría a cargo das comunidades autónomas".


Con todo, Belarra fixo alusión aos máis de cinco millóns de persoas que aínda sofren de pobreza enerxética en España e aos máis de 100 euros no incremento da factura da luz que este ano terán que asumir os españois, algo que, segundo a deputada, asegurou o propio Goberno.


relacionada Implantar a renda mínima reduciría a pobreza a cambio de só un punto de déficit
relacionada A cuarta parte dos galegos están en risco de exclusión, sobre todo os mozos
relacionada Gas Natural Fenosa e Cáritas alíanse para loitar contra a vulnerabilidade enerxética

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE