Ponse en marcha un novo proxecto contra o desperdicio de alimentos

A Consellería de Medio Ambiente e o sector galego de hostalería acordaron este martes un novo convenio, que inicia un proxecto piloto de redución do desperdicio de alimentos mediante o aproveitamento de sobras de comida.

A iniciativa, á que se sumaron un total de 3.800 negocios hostaleiros, busca promover que os clientes se leven a comida non consumida dos locais, segundo confirmou a conselleira Beatriz Mato, co fin de evitar que os alimentos "se convertan en residuos".

Este proxecto xurdiu como resposta á alarmante cantidade de alimentos desperdiciados, que de acordo aos datos proporcionados pola organización das Nacións Unidas para a Alimentación e Agricultura (FAO), alcanza un terzo da produción de comida destinada a consumo humano. Isto xera, en consecuencia, un 8% de emisións de gases de efecto invernadoiro.

A Xunta prestará aos locais de hostalería apoio económico para a adquisición de fiambreras e bolsas ecolóxicas para a comida, e o proxecto en conxunto dispoñerá de 300.000 euros para mellorar a xestión de residuos e reciclaxe.