A área Metropolitana herculina planea un proceso participativo da cidadanía

|

AreametropolitanacorunaalcaldesMesa de alcaldes da área metropolitana. Foto: Concello da Coruña


O Concello da Coruña e municipios limítrofes promoverán un proceso participativo sobre a constitución do Área Metropolitana, segundo informou o alcalde da Coruña, Xulio Ferreiro, xunto á concelleira de Participación, Claudia Delso.


En rolda de prensa, o rexedor sinalou que o obxectivo é "abrir o debate á cidadanía". Para iso, realizaranse oito encontros presenciais con veciños da Coruña e dos municipios de Abegondo, Bergondo, Betanzos, Cambre, Culleredo, Oleiros e Sada.


O proceso participativo completarase, ademais, con mesas temáticas de traballo sobre economía, ciclo da auga, tratamento de residuos e mobilidade, así como a realización dunha consulta pública a través da web municipal e a posibilidade de adherirse á carta de apoio ao proxecto.


IMPLICAR A CIDADANÍA


Esta iniciativa desenvolverase ata final de ano, xunto cos outros sete concellos, co obxectivo de "implicar de maneira directa á cidadanía na constitución dunha verdadeira Área Metropolitana", remarcou Ferreiro.


Pola súa banda, a concelleira de Participación precisou que os encontros presenciais celebraranse entre o 15 e o 30 de novembro. Entre o 20 de novembro e o 20 de decembro, a cidadanía poderá participar nunha consulta pública, nun espazo habilitado na web municipal.


relacionada O PSOE coruñés rexeita "estruturas paralelas" na área metropolitana
relacionada Alcades da área da Coruña reclaman unha reunión conxunta con Feijóo

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress