'The Suffers' pechará o Outono Códax Festival en Santiago

|


TheSuffersbandasoul 1A banda de soul 'The Suffers' 


Unha das bandas revelación do panorama internacional do soul, 'The Suffers', será a encargada de clausurar o Outono Códax Festival en Santiago este sábado 18 de novembro.


Os texanos sairán a escena a partir das 20:30 horas na Sala Capitol, poñendo outro ano máis o punto seguido ao festival galego enfocado á música negra, que xa vai pola súa sétima edición cunha gran aceptación entre o público.


Para o grupo estadounidense supón a "primeira e exclusiva visita a Galicia", polo que os fans deste xénero musical teñen unha oportunidade única para gozar dun dos mellores grupos do momento. Coa inconfundible voz Kam Franklin á fronte da banda, a velada de amenizará antes da súa saída ao escenario co grupo 'Suggar Daddy & The Cereal Killers', un grupo que desde a organización definen como "unha locomotora de rhythm&blues que nos seus concertos non esquecen nin o swing nin o boogie woogie".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress