O Celta dá descanso aos seus xogadores no parón de liga
Os de Unzué que non están chamados polas seleccións teñen tres días libres ata retomar os adestramentos o luns.
Imaxe do derbi doméstico en Balaídos. Foto: RC Celta
En metade deste parón ligueiro polos compromisos das seleccións nacionais, Unzué dá tres días libres aos xogadores que ten na Madroa.
Antes, o Celta e o Celta B substituíron as sesións de adestramento programadas por un partido en Balaídos. Un derbi celeste que comezou cun tanto de Deixan Drazic para o Celta B, pero que o primeiro equipo remontou con dous goles de Daniel Wass.
Mentres, entre os que non están, Iago Aspas centra a atención dos celtistas na súa nova cita coa Roja. Sobre el falou Lopetegui, do que explicou que pode cambiar de posición e non soamente xogar de nove puro. "Iago pode compartir tamén distintas posicións", expresou.
E acerca das opcións do de Moaña para acudir ao Mundial sinalou, sen ser explícito, que a lista de maio non está decidida, pero manifestou que "se están aquí é porque son xogadores de noso agrado e haberá moitos xogadores que estean en Rusia".
Ultimato de Guidetti ao Celta
A lesión de Emre Mor prolóngase máis do previsto
Escribe o teu comentario