Unha cidade de debuxos en 'Compostela Ilustrada'

Ilustracións da exposición. Foto Concello de Santiago 

O encontro internacional 'Compostela ilustrada' trae ata a capital galega a 13 dos mellores ilustradores do mundo nesta disciplina. A convención permanecerá na cidade santiaguesa ata o domingo 12 de novembro.

Entre os asistentes destacan o ilustrador asturiano Alfredo, premio nacional de ilustración 2017, ou o mestre Munehiro Ikeda, autor do primeiro caderno de viaxe do Camiño de Santiago. O encontro, dirixido por Miguelanxo Prado, permitirá aos participantes desenvolver a súa arte debuxando polas rúas e espazos emblemáticos de Santiago desde diferentes perspectivas.

Ademais, o programa inclúe as xornadas de ilustración urbana, talleres, catro exposicións, presentacións de libros ilustrados e rutas que mesturan a gastronomía galega co mundo do debuxo.