Queda en liberdade o detido por disparar a súa ex parella en Vilagarcía

O home detido o pasado xoves en Vilagarcía por disparar contra a súa ex parella, foi posto en liberdade hoxe mesmo, segundo fontes xudiciais. O xuzgado de instrución número dous de Vilagacía tamén suspendeu o seu dereito a portar armas. 

Os feitos tiveron lugar ás 7,30 horas do pasado xoves nunha vivenda da rúa Cruceiro de Galás, en Vilagarcía de Arousa. Segundo a versión do detido, o home utilizou a arma porque "asustouse cando alguén entrou na casa". A persoa que tentaba acceder ao domicilio, era a súa ex parella, de 54 anos, que tivo que ser atendida no Hospital do Salnés tras recibir un disparo no ombreiro.

Despois de acordar as medidas solicitadas pola fiscalía, o xuzgado de instrución número dous de Vilagarcía enmracou os feitos dentro das competencias do que leva os casos sobre violencia de xénero.