Correa, sobre a trama Gürtel: "É unha montaxe que se creou para facer dano ao PP"
O considerado líder da trama de corrupción proclama desde o cárcere que "se non traballara para o PP eu non estaría aquí sentado".
O considerado presunto xefe da trama Gürtel, Francisco Correa, advertiu de que esta causa é "unha montaxe que se creou para facer dano a un partido por parte doutro" e considera que non estaría a ser investigado se os traballos non os fixese para o PP.
"Se non traballara para o PP eu non estaría aquí sentado. Este famoso caso Gürtel non existe, é mentira", subliñou. Respecto do seu con Feira Valencia, subliñou que no recinto feiral "non había corrupción".
Así o indicou Correa nunha comparecencia na Comisión das cortes valencianas, na que interveu por videoconferencia desde a prisión de Valdemoro, onde cumpre condena.
Correa estaba citado este xoves á cámara valenciana en calidade de ex propietario de Orange Market co obxectivo de analizar a relación da empresa con Feira Valencia, onde se celebrou o Congreso Nacional do PP en 2008 no que Mariano Rajoy foi reelixido candidato.
Os sobresoldos a dirixentes do PP puideron repartir en negro ata 6 millóns de euros
Anticorrupción define a Gürtel como rede corrupta en permanente contacto co PP
Anticorrupción considera acreditada a caixa B do PP e que Bárcenas meteu a man
Escribe o teu comentario