Bruxelas aínda non conta o impacto da crise catalá no crecemento de España

|

Bruselascomision


A Comisión Europea elevou este xoves as súas previsións de crecemento para España, que crecerá en 2017 un 3,1% fronte ao 2,8% calculado con anterioridade, mentres que en 2018 se moderará ata o 2,5%, unha décima máis que a estimación anterior, aínda que advertiu dos riscos que supón o desafío secesionista en Cataluña no futuro.


Bruxelas aliña desta forma o seu prognóstico para este ano co do Goberno, que tamén se sitúa no 3,1%, pero é máis optimista para 2018, ano no que o Executivo rebaixou ao 2,3% o seu prognóstico pola situación en Cataluña, cuxo impacto cifra en 5.000 millóns.


Sobre este asunto, o Executivo comunitario afirma que as reaccións do mercado aos "eventos recentes en Cataluña" foron "contidos", pero engade que existen o risco de que "futuros acontecementos poidan ter un impacto sobre o crecemento", cuxo tamaño "non pode ser anticipado neste momento".


A Comisión Europea espera que o crecemento do emprego se reduza no período de proxección, pero aínda así cre que a taxa de desemprego caerá ao 17,4% este ano, ao 15,6% en 2018 e ao 14,3% en 2019.


Amplía esta información en Catalunyapress.


relacionada O orzamento galego de 2018 esgota o teito de gasto e baixa a previsión de crecemento
relacionada O desafío catalán pon en risco a confianza dos investidores, segundo o Banco de España
relacionada Os sindicatos consideran que os datos do paro confirman a "volatilidade" do emprego

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress