Munúa reencóntrase co Dépor en plena crise na portería
Retirouse hai só dous anos e continuou a súa carreira como técnico. O seu novo proxecto é o Fabril ata final de temporada.
Munúa, en Abegondo. Foto: RC Deportivo
O 'ascenso' de Cristóbal Parralo ao banco do primeiro equipo deixou o Fabril cun oco no seu. Pois para facerse cargo del está na Coruña Gustavo Munúa, que vestiu na súa época a camiseta do Dépor baixo paus.
Tal e como confirmou o club nun comunicado, tras aterrar este mesmo martes na Coruña e asinar ata final de tempada, pasou xa pola Cidade Deportiva de Abegondo para coñecer os seus xogadores. Este mércores dirixe o seu primeiro adestramento e ofrece a súa primeira rolda de prensa como técnico branquiazul.
Chega ao filial deportivista tras pasar polo Nacional de Montevideo e do Liga Deportiva Universitaria de Quito.
E o ex porteiro chega en plena crise na portería do primeiro equipo. Con Tyton e Pantilimon cuestionados pola súa inseguridade, Rubén Martínez ten opcións de regresar mesmo ante o Málaga na Rosaleda, encontro para o que faltan menos de dúas semanas.
O de Coristanco está case recuperado da súa lesión e esta mesma semana pode irse incorporando aos adestramentos cos seus compañeiros para tantear o seu estado.
As entradas para o derbi saen á venda con mes e medio de antelación
Riazor despide o equipo cunha ovación a pesar de caer contra o Atlético
Escribe o teu comentario