Só Ciudadanos consegue rédito electoral no medio do desafío independentista catalán

|

DiadamanicatalunyaManifestación da Diada.


O barómetro de opinión do Centro de Investigacións Sociolóxicas (CIS) do pasado mes de outubro, feito nos días posteriores ao referendo, mantén o PP como primeiro partido cunha estimación de voto do 28% e 3,8 puntos por encima do PSOE, que queda nun 24,2%.


Os dous partidos maioritarios baixan unhas décimas, pero a maior variación prodúcese en Unidos Podemos e as súas confluencias, que perden case dous puntos respecto da enquisa feita tres meses antes, e en Ciudadanos, que experimenta unha subida de tres puntos e alcanza o seu mellor rexistro desde as xerais de 2015.


A enquisa realizouse entre o 2 e o 11 de outubro, tras o referendo independentista do día 1 e recollendo nas últimas datas a declaración de independencia que fixo o president Carles Puigdemont e que suspendeu no mesmo discurso do día 10.


O PARO E CATALUÑA


Pero o barómetro do CIS tamén reflicte que a independencia de Cataluña irrompeu como segundo problema nacional. Mentres, o paro volve figurar como a preocupación maioritaria, pero marcando a súa cota máis baixa desde o inicio da crise económica.


En concreto, o desemprego é citado nun 66,2% dos cuestionados, mentres que nunha 29% figura a independencia de Cataluña que, no barómetro anterior unicamente se mencionaba no 7,8% e era o noveno problema.


relacionada Puigdemont expresa o seu desexo de que "España pase vergoña nos tribunais internacionais"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress