Riazor despide o equipo cunha ovación a pesar de caer contra o Atlético

|

DeporovacionA afección recoñeceu o bo traballo. Foto: RC Deportivo


O Deportivo, ovacionado pola súa parroquia tanto ao descanso como ao final do encontro, mereceu máis ante o Atlético de Madrid, inferior aos branquiazuis durante a maior parte do atopo pero que levou os tres puntos no tempo engadido da segunda parte, nun libre indirecto transformado por Thomas Partey.


Cristóbal Parralo repetiu o once inicial que presentou no seu debut ligueiro como técnico deportivista, co que o equipo branquiazul se impuxo no Estadio de Gran Canaria á UD Ls Palmas.


Comezou bastante aberto o encontro, con varias chegadas por parte de ambos os equipos antes do minuto 10. O Dépor demostrou que pode ameazar arriba, aínda que nin Fede nin Bakkali foron capaces de rematar a faena.


Preto do descanso, Sidnei protagonizou unha xogada no extremo dereito que concluíu co central brasileiro no chan dentro da área, tras unha entrada de Lucas Hernández. A bancada reclamou penalti de maneira enérxica.


Aos poucos segundos de comezar a segunda metade, Antoine Griezmann tivo a mellor ocasión do partido ata entón, pero non transformou.


O Dépor dispuxo de oportunidades envelenadas durante o segundo tempo, que non atoparon premio.


Cando se cumpría o minuto 90, Sidnei foi castigado cunha falta por obstrución na frontal da área e o Atlético non perdoou.


Desentonando na tónica xeral do equipo, unha posición sinalada: a portería. Con todo, Cristóbal Parralo manifestou ao terminar que "hai que deixar dunha vez de falar sobre os porteiros. Díxeno mil veces, hai que respectar o seu traballo. Defenden a camiseta do Dépor o mellor que poden e hai que apoialos".


relacionada Cristóbal: "A intensidade incrementouse desde que estou á fronte"
relacionada Fede Valverde: "Pepe Mel tiña confianza en min, pero eu non estaba ben"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress