El Corte Inglés recolle este sábado penso para mascotas para axudar a cen protectoras

El Corte Inglés poñerá en marcha este sábado a terceira recollida de penso seco e húmido para cans e gatos que son atendidos por un cento de protectoras de animais. A iniciativa solidaria realízase en colaboración e coordinación coa Asociación Nacional para a Defensa dos Animais (ANDA).

A recollida destes alimentos para mascotas leva a cabo en 78 centros de El Corte Inglés e en 40 establecementos Hipercor e irá destinada a cubrir necesidades de alimentación dos preto de 50.000 animais, entre cans e gatos, que cada ano son atendidos por ese cento de protectoras de animais que colaboran nesta operación, segundo detalla a compañía.

Co obxectivo de apoiar e reforzar esta iniciativa, El Corte Inglés doará máis de 10.000 quilos de alimento para mascotas con este fin. Os clientes e empregados de El Corte Inglés doaron o ano pasado durante a operación de recollida de penso un total de 25.000 quilos de alimentos para cans e gatos aos que se sumaron os máis de 10.000 quilos que achegou El Corte Inglés. No seu conxunto, a operación permitiu que se doasen a un centenar de protectoras de animais máis de 35.000 quilos de penso seco e húmido.

Colaboran nesta iniciativa algúns dos centros de El Corte Inglés e Hipercor da Coruña, Pontevedra e outras 38 provincias.