O PPdeG denuncia unha vaga de ataques e "pintadas ameazadoras" contra as súas sedes

|

Pintadappdeg


A sede do PPdeG sufriu na pasada xornada pintadas e tamén se lanzaron ovos contra o cartel que inclúe o logotipo do partido. Os populares avanzaron que poñerán a disposición da Policía as imaxes das cámaras de seguridade para tratar de identificar os culpables.


Nun comunicado, o secretario xeral do PPdeG, Miguel Tellado, informou destas "pintadas ameazadoras" --'Galicia non esquece, Galicia non perdoa'-- e advertiu de que "non hai táctica de intimidación capaz de silenciar a voz do PPdeG", á vez que pediu aos que "non cesan nese intento" que "desistan canto antes".


Segundo os populares, este incidente dá "continuidade" a outros sufridos noutras provincias recentemente, como o que padeceu o PP de Vigo ou o rexistrado contra a residencia oficial do presidente en Monte Pío.


CONDENA UNÁNIME


"Estes e outros casos evidencian que en Galicia hai persoas que pretenden facer do medo unha canle para expresar as súas ideas", sostén Tellado, quen destacou que os galegos son "un pobo pacífico que foxe de condutas inadecuadas coma esta".


Por iso, Tellado subliñou que "sería importante facer unha condena unánime de actos violentos e agresivos que non teñen reflexo na vida cotiá da sociedade galega".


relacionada Volven facer pintadas na sede galega de Ciudadanos en Santiago
relacionada Atacan con pintadas a exposición sobre a historia do sindicalismo coruñés
relacionada Un novo ataque ao busto de Fraga píntao coas cores da bandeira republicana

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress