Máis de 700 curtas de 17 países optan ao Festival Internacional 'Via XIV' de Verín
"Para un festival coma o noso é un orgullo contar con este elevado grao de participación", di o director.
Máis de 700 curtas optan a participar no Festival Internacional 'Vía XIV' de Verín. Estas pezas proceden de 15 países, entre os que se inclúen Brasil, Arxentina, Colombia, Francia ou Corea do Sur.
Trátase da segunda edición do evento, que se desenvolverá na vila do Támega entre o 1 e o 10 de decembro.
Esta cifra "supera en máis dun 10% o número de pezas recibidas o ano pasado", segundo destaca Carlos Montero, director do FIC. "Para un festival coma o noso, que pode aínda considerarse novel, é un orgullo contar con este elevado grao de participación", engade.
En total, 408 dos curtas recibidas proceden de España; 76 de Brasil; 35 de Arxentina; 24 de Colombia; 20 de Francia; 18 de México; 18 de Chile e 10 de Italia.
O resto proceden de países como Corea do Sur (7), Irán (6), India (5), Uruguai (5), Reino Unido (5), Rusia (5) e Alemaña (4). O prazo para presentar traballos a concurso concluíu o pasado 23 de outubro.
Ademais destas propostas, a organización do evento percorreron diversos foros e eventos de cinema en España buscando pezas para o concurso, en festivais de Vila do Conde e Lisboa, en República Checa, Berlín, Róterdan e Cannes.
"A finais de novembro, presentaremos a selección final de propostas candidatas a concurso", engade Montero.
Tres cineastas galegos presentan as súas curtas en Vila do Conde
Case 100 curtametraxes de 40 países na X edición do FICBueu
Escribe o teu comentario